आज २५ जनामा कोरोना संक्रमण पुष्टि, संक्रमितको संख्या ४२७ पुग्यो - सिधा मिडिया






आज २५ जनामा कोरोना संक्रमण पुष्टि, संक्रमितको संख्या ४२७ पुग्यो

    ७ जेष्ठ २०७७, बुधबार १६:४९  मा प्रकाशित
142 जनाले पढ़िसके









स्वास्थ्य तथा जनसंख्या मन्त्रालयले बुधबार थप २५ जनामा कोरोना संक्रमण देखिएको बताएको छ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. विकास देवकोटाले २५ जनामा कोरोना संक्रमण पुष्टि भएको बताए।

बाँकेको ६, धनकुटामा ५, कपिलबस्तुमा १३, नवलपरासी पश्चिममा १ जना संक्रमित भेटिएका हुन

योसँगै कुल संक्रमितको संख्या ४२७ पुगेको प्रवक्ता देवकोटाले जानकारी दिए।

बुधबार पुष्टि भएका २५ संक्रमितमध्ये ७ महिला र १८ जना पुरुष रहेको प्रवक्त देवकोटाले जानकारी दिए।

बाँकेको नरैनापुर ५ का १७, २०, २८, ३० र ४० वर्षका र २७ वर्षीय पुरुष खजुरा ५ का रहेका छन्।

त्यसैगरी धनकुटाका २८, २९, ३५, ३७ वर्षीय पुरुष र २४ वर्षीय महिलामा संक्रमण पुष्टि भएको र उनीहरु धनकुटाकै स्थानीय भएको प्रवक्ता देवकोटाले जानकारी दिए।

त्यसैगरी कपिलबस्तुमा २२, २३ र ३५ वर्षीय पुरुष विजयनगरको क्वारेन्टिनमा रहेको पुरुषहरु र महाराजगन्ज गाउँपालिकामा रहेका ३, ४, र ६ वर्षीया बालिकाहरु, १६, २५ र ३२ वर्षीया महिला गरी ६ जना महिला र १२, २०, २४, ३४ वर्षीय पुरुष गरी १३ जना नयाँ संक्रमित पुष्टि भएका छन्।

त्यसैगरी नवलपरासीको सुस्ता गाउँपालिका ५ का २६ वर्षीय पुरुषमा संक्रमण पुष्टि भएको प्रवक्ता देवकोटाले बताए। उनले नवलपरासीका संक्रमित बेलवाने क्यारेन्टिनमा रहेको बताए।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस