बलिउड अभिनेता अमिताभ बच्चनलाई कोरोना पोजेटिभ, अस्पताल भर्ना

सिधा मिडिया संवाददाता
    २८ असार २०७७, आईतवार २२:०८  मा प्रकाशित
95 जनाले पढ़िसके

प्रतिक्रिया




    काठमाडौं– कोरोना भाइरस संक्रमण भएपछि बलिउड अभिनेता अमिताभ बच्चन अस्पताल भर्ना भएका छन्। बच्चनलाई मुम्बईस्थित नानवती अस्पताल भर्ना गरिएको इन्डिएन एक्सप्रेसले लेखेको छ। बच्चनले परीक्षणका क्रममा आफूलाई कोरोना पोजिटिभ देखिएको जानकारी फेसबुक तथा ट्विटरमार्फत् गराएका छन्। उनले विगत १० दिनयता आफूसँग सम्पर्कमा आएका सबैलाई परीक्षण गराउन समेत सामाजिक सञ्जालमार्फत् आग्रह गरेका छन्। नानवती अस्पतालका एक चिकित्सकले समेत उनी कोरोना पोजेटिभ भएर अस्पताल भर्ना भएको पुष‍्टि गरेका छन्।

    ‘कोरोना पोजेटिभ भएर बच्चन राती १० बजे अस्पताल भर्ना भएका छन्। उनको अवस्था सामान्य छ। उनको विस्तृत स्वास्थ्य अवस्था पत्ता लगाउन आवश्यक परीक्षण जारी छन्,’ भारतीय समाचार माध्यम द हिन्दूसँग कुराकानी गर्दै ती डाक्टरले भनेका छन्। गत महिना मात्र अमेजन प्राइम भिडियोमा रिलिज भएको गुलाबो सिताबोमा ७७ वर्षीय बच्चनसमेतको अभिनय छ। उनको रोल भएको यो पछिल्लो सिनेमा हो। उनका छोरा अभिषेक बच्चनलाइ पनि कोरोना पोजेटिभ भएको बताइएको छ।

    यो खबर पढेर तपाईलाई कस्तो महसुस भयो ?

    प्रतिक्रिया दिनुहोस