काठमाडौँ उपत्यकामा चल्न थाले सार्वजनिक सवारी

काठमाडौँ उपत्यकामा छिटफुट सार्वजनिक सवारी साधन चल्न थालेका छन् ।

मयुर यातायात, संयुक्त यातायात, मनमैंजु यातायातका बसहरु सोमबार सञ्चालनमा आएका हुन् ।

बसमा यात्रुको संख्या निकै कम थियो भने सरकारले तोकेको मापदण्डअनुरुप सेनिटाइजर प्रयोग गरिएको थियो ।

त्यस्तै, यात्रुहरुले सामाजिक दूरी कायम गरेका थिए । सरकारले ५० प्रतिशत यात्रु राखेर र स्वास्थ्य सुरक्षाका उपायहरु अवलम्बन गरेर सार्वजनिक सवारी चलाउन अनुमति दिएको छ ।