युवतीमाथि एसिड प्रहार गर्ने दुईजना पक्राउ - सिधा मिडिया






युवतीमाथि एसिड प्रहार गर्ने दुईजना पक्राउ

    ९ श्रावण २०७७, शुक्रबार १८:१०  मा प्रकाशित
249 जनाले पढ़िसके









काठमाडौँको सीतापाइलामा एक युवतीमाथि एसिड आक्रमण गरेको आरोपमा प्रहरीले दुई जनालाई पक्राउ गरेको छ । पक्राउ पर्नेमा रौतहट लक्ष्मीपुर घर भई हाल काठमाडौँको डल्लु बस्ने मोहम्मद आलम र भारतीय नागरिक मुन्ना महम्मद छन् ।

उनीहरुलाई बिहीबार राति ११ बजे पक्राउ गरिएको प्रहरीले जनाएको छ । बिहीबार साँझ सीतापाइलामा ओखलढुंगाकी २२ वर्षीया युवतीमाथि एसिड प्रहार गरी उनिहरु फरार भएका थिए । युवतिको कीर्तिपुरस्थित कीर्तिपुर अस्पतालको बर्न सेन्टरमा उपचार भइरहेको छ ।

साँझको समयमा दही किन्न निस्किएकी युवतिमाथि एसिड प्रहार भएको हो । उहाँ आफन्तसँग बस्दै आउनुभएको थियो । पीडित युवति राजधानीको हायात होटलमा अकाउन्ट सेक्सनमा काम गरिरहेको र लकडाउनपछि कोठामै बसिरहेको जनाइएको छ । एसिडले युवतीको अनुहार र हात जलेको छ । घटनाबारे थप अनुसन्धान भइरहेको प्रहरीले जनाएको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस