पाल्पामा कोरोना संक्रमित दुईजनाको मृत्यु - सिधा मिडिया

पाल्पामा कोरोना संक्रमित दुईजनाको मृत्यु

    ११ कार्तिक २०७७, मंगलवार १५:२२  मा प्रकाशित
499 जनाले पढ़िसके




पाल्पा : पाल्पाको एक अस्पतालमा उपचाररत दुईजना कोरोना संक्रमितको मृत्यु भएको छ । लुम्बिनी मेडिकल कलेज तानसेन पाल्पामा उपचाररत कोरोना संक्रमित एकजना महिला र पुरुषको मृत्यु भएको जिल्ला स्वास्थ्य कार्यालय पाल्पाका सूचना अधिकारी ओमप्रकाश पन्थीले बताए ।

मृत्यु हुनेमा पूर्वखोला गाउँपालिकाकी ३ की ६९ वर्षीया महिला र रुपन्देही तिलोत्तमा नगरपालिका ३ का ७४ वर्षीया पुरुष रहेका छन् । दुबै कोरोना संक्रमितको सोमबार राती मृत्यु भएको हो । पाल्पा पूर्वखोलाकी महिला दुर्घटनामा परी उपचारको लागि मेडिकल कलेज ल्याएको थियो। केही संकास्पद लक्षण देखिएपछि स्वाब परीक्षण गर्दा रिर्पोट पोजिटिभ आएको थियो ।

तिलोत्तमा नगरपालिका ३ का ७४ वर्षीय पुरुषमा कोरोना संक्रमण पछि स्वासप्रश्वासको समस्या बढ्दै गएपछि रुपन्देहीमा अस्पतालमा भन्टिलेटर नपाएपछि उनलाई पाल्पाको लुम्बिनी मेडिकल कलेज तानसेनमा असोज ४ गते भर्ना गरिएको थियो ।

पाल्पामा हालसम्म १ हजार ९९ जनामा कोरोना संक्रमण पुष्टि भएकोमा ८ सय ५८ जना निको भएका छन भने २ सय ३२ जना सक्रिय संक्रमित छन् । पाल्पामा कोरोना संक्रमितमध्ये हालसम्म १० जनाको मृत्यु भएको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस