पिपलडाँडामा राजु कोइरालाबाट संस्थाका किसानहरुलाई कृषि बिउबिजन प्रदान !

स्याङ्जाः कुवाकोट साना किसान सहकारी सँस्थाका अध्यक्ष राजु कोइरालाले किसानहरुलाई कृषि बिउबिजनहरु प्रदान गरेका छन् । चापाकोट वडा नं. ३, पिपलडाँडामा एक कार्यक्रमको आयोजना गर्दै सँस्थाका अध्यक्ष  कोइरालाले  किसानलाई आवश्यक परेका बिभिन्न खाले कृषि बिउबिजन बितरण गरेका हुन् ।

चापाकोट वडा नं. ३, मा पर्ने पिपलडाँडाका किसानहरु यस कृषि बिउबिजन पाएकोमा निकै हरशिद बनेका छन्  । त्यस ठाँउका  सँस्थाका किसानहरुले कुवाकोट साना किसान सहकारी सँस्थाका अध्यक्ष राजु कोइराला लाई धन्यवाद दिएका छन् । यस कार्यक्रम बाट उक्त स्थानका किसानहरु एकदमै लाभान्बित भएको समेत सँस्थाका एक किसानले “सिधा मिडिया” लाई बताएका हुन् ।

कुवाकोट साना किसान सहकारी सँस्थाको तर्फ बाट अब आउने दिनमा सँस्थाका किसानलाई सो आत्मनिर्भर गराउनको लागी र आर्थिक रुपमा सम्पन गराउने उद्धेश्यले बिभिन्न सिपमुलक तालिम जस्तैः  सिलाई बुनाई तालिम , बिभिन्न कृषि बिउबिजन, त्यस्तै बिभिन्न कृषि किसानलाई आवश्यक  कृषि औजार सिपमुलक तालिमहरू समेत प्रदान गरिने  सँस्थाका अध्यक्ष राजु कोइरालाले जानकारी दिएका छन् ।

चापाकोट नगरपालिका वडा नं. १० बोटेटारमा कार्यालय रहेको कुवाकोट साना किसान सहकारी सँस्थाले बिभिन्न समयमा  आफ्ना किसानलाई हरेक ठाँउमा गई किसानलाई मौषम अनुसार  आबश्यक परेका कृषि  बिउबिजन दिदै आएको र सँस्थाको हितमा काम गर्दै आएको समेत संस्थाका एक कर्मचारीले  बताएका छन् ।