कुलेश्वरमा बैंकको एटिएम फोड्दै गरेका एक किशोर पक्राउ - सिधा मिडिया





कुलेश्वरमा बैंकको एटिएम फोड्दै गरेका एक किशोर पक्राउ

    १७ कार्तिक २०७७, सोमबार १५:५९  मा प्रकाशित
313 जनाले पढ़िसके








कुलेश्वरमा बैंकको एटिएम मेसिन फोडिरहेको अवस्थामा एक किशोर पक्राउ परेका छन्।

आइतबार राति सवा ११ बजे काठमाडौं महानगरपालिका-१४ कुलेश्वरस्थित माछापुच्छ्रे बैंकको एटिएम फोडिरहेको अवस्थामा एक किशोरलाई पक्राउ गरेको हो।

पक्राउ पर्नेमा कैलाली टीकापुर घर भई बानेश्वर बस्ने १७ वर्षीय प्रज्वल खाँड छन्।

उनलाई महानगरीय प्रहरी वृत्त कालीमाटीबाट खटिएको प्रहरीले पक्राउ गरेको हो।

‘म सोही ठाउँ नजिकै थिएँ। राति एटिएम फोडिरहेको देखेपछि भित्र थुनेर नियन्त्रणमा लिएका थियौं,’वृत्तका प्रहरी नायब उपरीक्षक अपिलराज बोहराले भने।

उनका अनुसार खाँड कक्षा १२ पढ्दै गरेका विद्यार्थी हुन्।

‘उनले खान नपाएर पैसा चोर्न खोजेको बताएका छन्। तर हेर्दा खान नपाएको जस्तो देखिन्न,’उनले भने,’उनीमाथि थप अनुसन्धान गरिरहेका छौं।’

यस सम्बन्धमा प्रहरीले थप अनुसन्धान गरिरहेको छ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस