कतारले लागू गरेको नयाँ नियम अनुसार कम्पनी छाड्न छ सर्त ध्यान दिनुहोस् - सिधा मिडिया






कतारले लागू गरेको नयाँ नियम अनुसार कम्पनी छाड्न छ सर्त ध्यान दिनुहोस्

    १९ कार्तिक २०७७, बुधबार १७:३७  मा प्रकाशित
811 जनाले पढ़िसके









काठमाडौँ | कतारमा रोजगारीका लागि गएका आप्रवासी कामदारले परीक्षण कालमै बिनाजानकारी कतार छाडे एक बर्ष कतार जान नपाउने भएका छन् । कतारमा रोजगारीमा गएकाहरुलाई ६ महिना परीक्षणकाल तोकिएको छ ।

यस अघि कतारले कामदारले रोजगारदाता परिवर्तन गर्न पाउने सम्बन्धमा एतिहासिक निर्णय गरेको थियो । यसै नीति बमोजिम निम्न सर्त लागू हुन्छ ।

१. कुनै कारणले कतारमा रोजगारीमा पुगेका कामदारले परीक्षणकालभित्र रोजगारदाता छोड्न चाहेमा कतारको श्रम मन्त्रालयको विद्युतीय प्रणालीमार्फत रोजगारदातालाई सूचना दिनुपर्छ ।

२. कामदारले ६ महिनाको परीक्षणकाल सकिएपछि कम्पनी छाडेर स्वदेश फर्कन चाहेमा रोजगारदातालाई एक महिना अघिनै जानकारी दिनुपर्छ ।

३. दुई वर्षभन्दा बढी काम गरेको कामदारले कम्पनी छाडेर स्वदेश फर्कन चाहे रोजगारदातालाई दुई महिना अगाडिनै जानकारी दिनुपर्छ ।

४. दुईबर्ष नपुग्दै कतार छोड्ने कामदारले क्षतिपूर्तिबापत रोजगारदातालाई एक महिना बराबरको न्युनतम तलब फिर्ता गर्नुपर्छ ।

५. परीक्षणकाल (रोजगारीमा गएको ६ महिना) भित्रै रोजगारदाताले दिइएको जिम्मेवारी पूरा गर्न नसक्ने श्रमिकलाई एक महिनाको सूचना दिएर करारपत्र रद्द गर्न सक्छ । त्यसरी करारपत्र रद्द भएका श्रमिकले स्वदेश फिर्न चाहेमा घर फिर्ती टिकट भने रोजगारदाताले दिनुपर्छ ।

६. जिम्मेवारी पूरा गर्न नसक्ने श्रमिकको करारपत्र रद्द गर्नुपुर्व रोजगारदाताले एक महिना अगाडि नै कामदारलाई जानकारी दिनुपर्छ । यदि रोजगारदाताले बिनाजानकारी करारपत्र रद्द गरेमा एक महिना बराबरको न्यूनतम तलब कामदारलाई भुक्तानी गर्नुपर्छ ।

याद राख्नुहोला हाल यो नियम लागु भईसकेको छैन । यो नियम कतारको राजपत्रमा प्रकाशित भएको ६ महिनापछि लागू हुन्छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस