अमेरिकी राष्ट्रपति चुनावमा वाइडेनद्वारा जीत सुनिश्चित भइसकेको घोषणा - सिधा मिडिया






अमेरिकी राष्ट्रपति चुनावमा वाइडेनद्वारा जीत सुनिश्चित भइसकेको घोषणा

    २२ कार्तिक २०७७, शनिबार १९:१२  मा प्रकाशित
225 जनाले पढ़िसके









एजेन्सी, २२ कात्तिक । अमेरिकाको राष्ट्रपति निर्वाचनमा डेमोक्रयाट उम्मदेवार जोय वाइडेनले आफ्नो जीत सुनिश्चित भइसकेको घोषणा गरेका छन् । उनले आज विशेष मन्तव्य दिदै जीतको नजिक पुगेको बताएका हुन् ।

वाइडेनले ट्रम्पलाई मुख्य राज्यहरुमा पछि पारेका छन् । यसले उनको जीत सुनिश्चित जस्तै भएको छ । मतगणना अन्तिम चरणमा पुग्दा तीनवटा महत्वपूर्ण राज्यहरुमा वाइडेनले अग्रता लिएपछि जीत सुनिश्चित भएको हो ।

यसअघि ट्रम्पले अग्रता लिएका जर्जिया र पेनसिल्भानियामा पनि वाइडेनले अग्रता लिएर मतान्तर बढाउँदै लगेका छन् । ती राज्यहरुमा जित हासिल गरेमा वाइडेनले आवश्यक २ सय ७० इलेक्ट्रोरल मत कटाउनेछन् ।

वाइडेनले जीत सुनिश्चित भएको बताएपनि ट्रम्प अदालतमा पुगेका छन् । उनले खामबन्दीबाट पठाइएका मतलाई अवैध दाबी गरेका छन् । ती मतका कारण वाइडेनले कतिपय राज्यहरुमा जीत हासिल गरेका हुन् ।

फक्स न्युजका अनुसार जोय बाइडेनले २६४ इलेक्ट्रोरल मत पाइसकेका छन् । जर्जिया र पेनसिल्भानियामा पनि वाइडेन अघि छन् । ती राज्यमा वाइडेन विजयी भएमा ट्रम्प राष्ट्रपति निर्वाचित हुन आवश्यक २७० इलेक्ट्रोरल मत पाउने सम्भावना समाप्त हुनेछ ।

२० इलेक्ट्रोरल मतभार रहेको पेनसिल्भानियामा ट्रम्प पछि परेका छन् । यसरी जर्जिया, पेनिनसेल्भानिया र नेभेडाले ट्रम्पको दोस्रो कार्यकाल राष्ट्रपति बन्ने सपना चकनाचुर पार्दैछ । वाइडेनले ट्रम्पको पासा पल्टाइदिएको विश्लेषण हुनथालेको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस