चापाकोट १० मा मेयर शिव कुमार गिरीले कृषि पेशामा महिलाहरुलाई आकर्षित गराउँदै आलुको बिउ बितरण

स्याङ्जाः चापाकोट नगरपालिका का नगरप्रमुख (मेयर) शिव कुमार गिरीले कृषि पेशामा लागेका समुहलाई आलुको बिउ बितरण गरेका छन् । चापाकोट नगरपालिका भित्रका किसानलाई तरकारीमा आत्मनिर्भर बनाउने हेतुले कृषि पेशामा लाग्न चाहेका नगरपालिकामा रहेका बिभिन्न समुहहरुलाई आलुको बिउ बितरण गर्दै आएका छन् ।

कृषि पेशामा महिलाहरुलाई आकर्षित गराउँदै चापाकोट नगरपालिका वडा नम्बर १० मा पनि आलुको बिउ बितरण गरिएको छ । नगरप्रमुख शिव कुमार गिरीले चापाकोट नगरपालिका वडा नम्बर १० मा रहेको दिपज्योति महिला समूह र परिवर्तन शिल महिला समूहलाई एक कार्यक्रम गर्दै आलुको बिउ दिएका हुन् ।

कृषि पेशामा लाग्न सबै लाई प्रेरणा र हौषला प्रदान गर्दै मेयर शिव कुमार गिरी, चापाकोट नगर सभापति रामचन्द्र पंगेनी, सूर्य माझी लगाएतका समाजसेवीहरुको उपस्थिती रहेको थियो । स्याङ्जाको चापाकोट नगरपालिकामा मेयर गिरीले कृषि पेशामा लागेका किसानलाई सो आत्मनिर्भर बन्न  बिभिन्न शिर्षकमा अनुदान समेत प्रदान गर्दै आएका छन् ।