स्याङ्जाको गल्याङमा अवैध काठ सहित २० वर्षीय मनिष पक्राउ

स्याङ्जा । स्याङ्जामा प्रहरीले अवैध काठ सहित २० वर्षीय मनिष क्षेत्रीलाई पक्राउ गरेको छ ।

जिल्ला प्रहरी कार्यालय स्याङ्जा मातहत प्रहरी चौकी पिडीखोलाबाट खटिएको प्रहरी अधिकृत सहितको टोलीले गल्याङ नगरपालिका वडा ६ छबिसे स्थित ग १ त ५३४८ नंम्बरको टयाकटर चेक जाँच गर्ने क्रममा प्रहरीले अवैध काठ बरामद गरेको
जिल्ला प्रहरी कार्यालय स्याङ्जाको फेसबुक पेज मार्फत “सिधा मिडिया” लाई जानकारी दिएको छ ।

ट्याक्टरमा बरामत गरेको सालको काठ चिरेको पुरानो १४ थान, चिलाउनेको काठ १२ थान र मौवाको काठ ४ थान रहेको प्रहरीले जानकारी दिएको छ ।

पक्राउ परेका  ट्याक्टर चालक स्याङ्जा गल्याङ नगरपालिका वडा नं ५ बस्ने २० वर्षीय मनिष क्षेत्री हुन् । क्षेत्रीलाई आवश्यक कारवाहीको लागि सव डिभिजन बन कार्यालय गल्याङ, स्याङ्जामा बुझाईएको छ ।