ओलीलाई कारबाहीः नेकपा अध्यक्षमा माधव नेपाल, पहिलो अध्यक्ष प्रचण्ड कि नेपाल ? - सिधा मिडिया





ओलीलाई कारबाहीः नेकपा अध्यक्षमा माधव नेपाल, पहिलो अध्यक्ष प्रचण्ड कि नेपाल ?

    ७ पुष २०७७, मंगलवार १७:५४  मा प्रकाशित
968 जनाले पढ़िसके








प्रचण्ड नेतृत्वको समूहको केन्द्रीय कमिटी बैठकले नेकपा अध्यक्षबाट केपी शर्मा ओलीलाई हटाउने निर्णय गरेको छ।

केन्द्रीय सदस्य रामदीप आचार्यका अनुसार ओलीलाई अध्यक्षबाट निस्कासन गर्ने निर्णय भएको छ।

वरिष्ठ नेता माधवकुमार नेपाललाई अध्यक्ष बनाउने निर्णय पनि भएको नेता वर्षमान पुनले जानकारी दिए।

प्रधानमन्त्री ओलीले संसद्को तल्लो सदन विघटन गर्न सिफारिस गरेपछि बसेको स्थायी कमिटी बैठकले उनलाई कारबाही गर्न केन्द्रीय कमिटीमा प्रस्ताव लग्ने निर्णय गरेको थियो।

नेता पुनका अनुसार दुवै अध्यक्षको हैसियत समान रहने छ। माधव नेपाल निकट केन्द्रीय सदस्य विष्णु रिजालले पनि दुवैको बराबर हैसियत रहने जानकारी दिए।

प्रचण्डले यसअघि कार्यकारी अध्यक्षको भूमिका निर्वाह गर्दै आएका थिए।

तर यसअघि आजै भएको ओली पक्षको केन्द्रीय कमिटी बैठकले प्रचण्ड लगायत सबैलाई यथावत राखेर कमिटी बिस्तार गर्ने निर्णय गरेको थियो।

उक्त बैठकले नारायणकाजी श्रेष्ठलाई हटाएर प्रवक्ताको जिम्मेवारी भने प्रदीप ज्ञवालीलाई दिएको थियो।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस