ओलीको चुनावी योजना– प्रत्यक्ष १२० सिट, समानुपातिकमा ५० लाख मत

    ७ पुष २०७७, मंगलवार १८:२०  मा प्रकाशित
707 जनाले पढ़िसके








काठमाडौं । प्रधानमन्त्री केपी शर्मा ओलीले पार्टीबाट प्रचण्ड–माधव नेपालहरु आफ्नै कारणले किनारा लागे पनि आफू नेतृत्वको नेकपाले आगामी वैशाखमा हुने निर्वाचनमा दुई तिहाइ बहुमत ल्याउने गरी योजना बनाइने बताएका छन् ।

केन्द्रीय कमिटीको बालुवाटारमा सम्पन्न बैठकमा ओलीले महत्वाकांक्षी योजना सुनाउँदै भने– हामीले चुनावमा कम्तीमा ५० लाख लोकप्रिय मत ल्याउनुपर्छ, किनभने त्यो समानुपातिकमा जोडिन्छ । प्रत्यक्षमा हिजो दुई पार्टी मिलेर ११६ सिट जितेका थियौं अब कम्तीमा चार सिट बढाएर १२० सिट जित्नुपर्छ ।



प्रधानमन्त्री ओलीले अबको आफ्नो अभियान त्यस हिसाबले सञ्चालन हुने र आँधी तुफान सिर्जना गरिने बताए । बैठकमा सदस्यहरुलाई उत्साहित पार्दै ओलीले त्यो जित निकाल्ने योजना र सामर्थ्य आफूसँग रहेको दाबी गरे ।

यसबीचमा पार्टीका कमिटी तथा विभागहरुलाई पूर्णता दिने र सबै संरचनाहरु व्यवस्थित गरि चुनावमा होमिन सबैलाई निर्देशन दिए । ओलीले प्रचण्ड माधव नेपालहरु बैठकमा किन आएनन् ? भनेर निराश नहुन आग्रह गर्दै त्रिशूलीमा पसेका कतिपय वस्तु विस्तारै आफैं किनारामा लाग्ने उदाहरण दिंदै आफ्नै कारण उनीहरु किनारा लागेको बताए ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस