स्याङ्जामा प्रतिबन्धित "लागुऔषध"को ठुलो परिमाण सहित "अन्सारी" पक्राउ - सिधा मिडिया


स्याङ्जामा प्रतिबन्धित “लागुऔषध”को ठुलो परिमाण सहित “अन्सारी” पक्राउ

प्लास्टीकको बोरामा बोकी हिडेको अवस्थामा प्रतिबन्धित लागुऔषध २ के.जी. गाँजा फेला
प्रदिप पंगेनी
    १४ पुष २०७७, मंगलवार २०:०७  मा प्रकाशित
190 जनाले पढ़िसके

प्रतिक्रिया



    स्याङ्जाः  २ के.जी. गाँजा सहित १ जना मानिस पक्राउ परेका छन् । स्याङ्जामा प्रतिबन्धित लागुऔषधको ठुलो परिमाण गाँजा सहित मिर हसन अन्सारी पक्राउ परेका हुन् ।

    १३ गते दिउँसो लगभग  ३ बजेर ५० मिनेटको समयमा प्रतिबन्धित लागुऔषध गाँजा बोकी हिडेको अवस्थामा अन्सारी फेला परेका थिए । विशेष सूचनाको आधारमा जिल्ला प्रहरी कार्यालय स्याङ्जाबाट खटिएको प्रहरी अधिकृत सहितको टोलीले  स्याङ्जा जिल्लाको पुतलीबजार नगरपालिका वडा नं. ३ काफलडाँडा भन्ने स्थानमा अन्सारीको साथ बाट २ केजी गाँजा बरामत गरेको जिल्ला प्रहरी कार्यालय स्याङ्जाका प्रवक्ता तथा सूचना अधिकारी प्रहरी नायव उपरीक्षक राजेन्द्र प्रसाद अधिकारीले “सिधा मिडिया” लाई जानकारी दिएका छन् ।

    गाँजा सहित फेला परेका अन्सारीलाई १४ गते आज सार्वजनिक गरिएको छ ।  अधिकारीका अनुसार, बारा जिल्ला बेनौली गाँउपालिका. २ स्थायी वतन भएका बर्ष २० को मिर हसन अन्सारीले प्लास्टीकको बोरामा बोकी हिडेको अवस्थामा प्रतिबन्धित लागुऔषध २ के.जी. गाँजा फेला परेको थियो ।  उक्त गाँजा फेला परे सँगै लागुऔषध बरामद गरी  निज मिर हसन अन्सारीलाई तत्काल पक्राउ गरीएको छ ।

    अन्सारीलाई नियन्त्रणमा लिई लागुऔषध मुद्धा दर्ता गरी थप अनुसन्धान कार्य भई रहेको  प्रहरीले बताएको छ ।

    यो खबर पढेर तपाईलाई कस्तो महसुस भयो ?

    प्रतिक्रिया दिनुहोस