८० लाख रुपैयाँ लिएर साना किसान समूहकी अध्यक्ष फरार! - सिधा मिडिया

८० लाख रुपैयाँ लिएर साना किसान समूहकी अध्यक्ष फरार!

    ७ माघ २०७७, बुधबार १८:३८  मा प्रकाशित
529 जनाले पढ़िसके




शुक्लाफाँटा नगरपालिका–१ बन्साहाकी साना किसान सहकारी संस्था पिपलाडीका अध्यक्ष कलावती दमाई (नेपाली) लाखौं रकम लिएर फरार भएकी छन्।

साना किसान र नेपाल ग्रामीण विकास लघुवित्त वित्तीय संस्था झलारीबाट विभिन्न व्यक्तिका नामबाट झण्डै ८० रुपैयाँ रकम झिकेर उनी बेपत्ता भएकी हुन्।

सहकारी र वित्तीय संस्थामा रकम बचत गर्दै आएका व्यक्तिका नाममा रहेको रकम समूह जमानीका आधारमा ऋणका रुपमा उनले झिकेकी वडाध्यक्ष हरिश विष्टले बताए।

विष्टका अनुसार वडा कार्यालयमा उत्तरा विष्टलगायत २७ जनाले खोजतलास र रकम असुल उपर गरिदिन लागि भन्दै संयुक्त निवेदन दिएका छन्। वडा कार्यालयका तर्फबाट नेपालीको खोजी तथा आवश्यक कारबाही गरी रकम असुल उपर गर्न प्रहरीमा पत्राचारसमेत गरिएको छ।

अध्यक्ष दमाईले साना किसान सहकारी संस्थाबाट आफनै नाममा एक लाख ५० हजार ऋणसमेत लिएकी सहकारीका प्रबन्धक माधवी गिरीले बताइन्। बन्साहास्थित घरमा ताला लगाएर कलावती लामो समयदेखि सम्पर्कविहीन भएपछि पीडित स्थानीयले खोजतलासका लागि वडा र प्रहरीलाई गुहारेका हुन्।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस