खल्तीमै आईफोन पड्किएपछि एप्पलविरुद्ध मुद्दा - सिधा मिडिया



खल्तीमै आईफोन पड्किएपछि एप्पलविरुद्ध मुद्दा

    १९ फाल्गुन २०७७, बुधबार २१:०६  मा प्रकाशित
139 जनाले पढ़िसके

प्रतिक्रिया




    काठमाडौं । आफ्नो खल्तीमा राखिएको आईफोन पड्किएपछि अष्ट्रेलियाका एक नागरिकले एप्पल विरुद्ध मुद्धा दायर गरेका छन् । उनले सन् २०१९ मा आफ्नो खल्तीमा भएको आईफोन एक्स पड्किदा अस्पतालमा भर्ना भएको र यो विषयमा एप्पलले कुनै प्रतिक्रिया नदिएकाले अहिले मुद्दा दायर गरेका हुन् ।

    रोबर्ट डी रोज नाम गरेका ती व्यक्ति मेलबोर्नका एक वैज्ञानिक हुन् । उनले दायर गरेको मुद्दामा भनिएको छ, ‘म अफिसमा काम गरिरहेको बेला एक्कासी केही पड्किएको जस्तो आवाज आयो र मेरो दाहिने खुट्टामा दुखाई महसुस भयो, जहाँ मैले आईफोन राखेको थिएँ । मैले त्यहाँ हेर्दा मेरो लुगाको सानो भाग खरानी भएको थियो भने छाला पनि निस्केको थियो ।’

    Photo Credit: 7NEWS

    जसले गर्दा उनी अस्पताल नै भर्ना भएका थिए । यो विषयमा रोबर्टले सुरुमा सिधै एप्पललाई रिपोर्ट गरेका थिए । लामो समयसम्म पनि कम्पनीबाट कुनै प्रतिक्रिया आएन । उनले के कारणले उक्त आईफोन एक्स पड्किएकाे थियो भनी कम्पनीसँग सोधेका थिए ।

    त्यसको पनि कुनै जानकारी कम्पनीले दिएन । यसरी कम्पनीबाट कनै प्रतिक्रिया नआएसँगै अहिले उनले अदालतमा मुद्दा दायर गरेका हुन् ।

    Photo Credit: 7NEWS

    अर्का एप्पल प्रयोगकर्ताले पनि एप्पलविरुद्ध मुद्दा दायर गरेका छन् । आफ्नाे नाडीमा लगाएको एप्पल वाच धेरै तात्तिएर पड्किएकाे भन्दै उनले मुद्दा दायर गरेका हुन् । योसँगै एप्पलविरुद्ध अष्ट्रेलियमा एकैपटक दुई वटा मुद्दा दायर भएको सेभेन न्युजले उल्लेख गरेकाे छ ।

    © 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

    यो खबर पढेर तपाईलाई कस्तो महसुस भयो ?

    प्रतिक्रिया दिनुहोस