स्याङ्जामा २० वर्षीया युवतीलाई बलात्कार गर्ने १५ वर्षीय किशोर पक्राउ

स्याङ्जाको आँधीखोला गाउँपालिकाकी २० वर्षीया युवतीलाई जबरजस्ती करणी गरेको आरोपमा १५ वर्षीय किशोर पक्राउ परेका छन् ।

बोल्न, सुन्न नसक्ने युवतीलाई बलात्कार गरेको आरोपमा ती किशोरलाई प्रहरीले पक्राउ गरेका हुन् ।

ती किशोरले गत पुस ९ र १५ गते बलात्कार गरेको युवतीका आफन्तले दिएको जाहेरीमा उल्लेख छ ।

जिल्ला प्रहरी प्रवक्ता डीएसपी राजेन्द्र अधिकारीका अनुसार युवतीको गर्भ बसेपछि घटना सार्वजनिक भएको हो ।

पीडितले आइतबार प्रहरीमा जाहेरी दिएको उनले बताए । प्रहरीले सोही दिन किशोरलाई पक्राउ गरेको हो ।

जिल्ला अदालतमा जबर्जस्ती करणीसम्बन्धी मुद्दा दर्ता गरी अनुसन्धानका लागि ५ दिनको म्याद थप गरिएको प्रहरीले जनाएको छ ।