सरकारले स्थानीय तहलाई भन्योः दैनिक गाउँटोल निःसंक्रमण गर - सिधा मिडिया



सरकारले स्थानीय तहलाई भन्योः दैनिक गाउँटोल निःसंक्रमण गर

    २३ बैशाख २०७८, बिहीबार ०९:४५  मा प्रकाशित
87 जनाले पढ़िसके

प्रतिक्रिया


    काठमाडौं । केन्द्र सरकारले स्थानीय तहले गाउँटोल निःसंक्रमण गर्नुपर्ने गरी कार्ययोजना निर्माण गरेको छ । प्रधानमन्त्री तथा मन्त्रिपरिषद्को कार्यालयले जारी गरेको कोभिड नियन्त्रण सम्बन्धी कार्ययोजना अनुसार हरेक स्थानीय तहले आ–आफ्नो गाउँटोल निःसंक्रमण गर्नुपर्ने उल्लेख गरेको छ ।

    कार्ययोजना अनुसार २३ वैशाखदेखि नै स्थानीय तहले दैनिक आफ्नो गाउँटोल निःसंक्रमण गर्ने व्यवस्था मिलाउनु पर्नेछ । यसको समन्वयको जिम्मा संघीय मामिला तथा सामान्य प्रशासन मन्त्रालयलाई दिइएको छ ।

    कोरोना संक्रमणको महामारी समुदाय स्तरमा फैलिइसकेकाले यसको रोकथामका लागि सरकारले दैनिक निःसंक्रमण सहितको कार्ययोजना सार्वजनिक गरेको हो । तर केन्द्रले निःसंक्रमण कसरी गर्नेभन्ने विषयमा भने कुनै उल्लेख गरेको छैन ।

    गाउँपालिका महासंघका अध्यक्ष होम नारायण श्रेष्ठले केन्द्रले जारी गरेको कार्ययोजना हेरेपछि मात्रै केन्द्रले भनेअनुसार अघि बढ्ने र त्यतिबेलासम्म हरेक स्थानीय तहले आफ्नै ढंगले कोरोना रोकथामको प्रयास जारी राख्ने जानकारी दिए ।

    उनले यस विषयमा आफूहरुसँग छलफल नभएको भए पनि महामारीको समयमा सबै कुरा छलफल गर्न सम्भव नभएकोले सरकारको यो निर्देशन गाउँपालिकाहरुले स्वीकार गर्दै कोरोना नियन्त्रणमा केन्द्र सरकारको पहललाई सहयोग गर्ने बताए ।

    कार्यविधिमा संघ अन्तर्गत्का निकायहरू एवं स्थानीय तहलाई विभिन्न जिम्मेवारी तोकिएको भएपनि प्रदेशको जिम्मेवारीबारे भने केही उल्लेख छैन ।

     

    © 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

    यो खबर पढेर तपाईलाई कस्तो महसुस भयो ?

    प्रतिक्रिया दिनुहोस