७७ जिल्लाका तरूणलाई कोरोना नियन्त्रणका लागि खटिन तरुण दल केन्द्रीय अध्यक्ष जितजंगको परिपत्र - सिधा मिडिया

७७ जिल्लाका तरूणलाई कोरोना नियन्त्रणका लागि खटिन तरुण दल केन्द्रीय अध्यक्ष जितजंगको परिपत्र

    २७ श्रावण २०७८, बुधबार ०९:३२  मा प्रकाशित
167 जनाले पढ़िसके




काठमाडौं । सत्तारुढ दल नेपाली कांग्रेसको भ्रातृ संगठन नेपाल तरुण दलले जिल्ला कार्यसमितिलाई कोरोना महामारी नियन्त्रणमा सरकारी संयन्त्रसँग समन्वय गरेर काम गर्न निर्देशन दिएको छ ।

तरुण दलका केन्द्रीय अध्यक्ष जितजंग बस्नेतले कोरोना महामारीबाट बच्नको लागि स्थानीय प्रशासनसंग सहजीकरण गर्न ७७ वटै जिल्ला अध्यक्षलाई परिपत्र गरेका हुन् ।

तरुण दलले प्रत्येक जिल्लामा मास्क प्रयोग अभियान चलाउने र कोरोना विरुद्धको खोप लगाउन सबैलाई प्रोत्साहनसहित जनचेतना फैलाउने जनाएको छ ।

त्यस्तै खोप केन्द्रसम्म पुग्न नसकेका लक्षित वर्गलाई खोप केन्द्रसम्म पुग्न सहयोग गर्ने र खोप केन्द्रलाई व्यवस्थित र सहज बनाउन सम्बन्धित निकायसंग सहजीकरण गर्ने परिपत्रमा उल्लेख छ।

स्वास्थ्यकर्मीलाई प्रोत्साहन स्वरुप थप सेवा सुविधा प्रबन्ध गर्न र जोखिम भत्ता नपाएका स्वास्थ्यकर्मीलाई तत्काल उपलब्ध गराउन सम्बन्धित निकायमा पहल गर्न तरुण दल अध्यक्ष बस्नेतले जिल्ला अध्यक्षहरुलाई परिपत्र गरेका हुन् ।

कोरोना सम्बन्धी जनचेतना फैलाउन र महामारीमा हुन सक्ने कालाबजारी रोक्न प्रशासनलाई आग्रह गर्ने तरुण दलले जनाएको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस