यति पाउने भयो साहस उर्जाले ओपनिङ्ग रेञ्ज

साहस उर्जा लिमिटेडको आईपीओ बाँडफाँट भएपछी यसले कति बजार मूल्य पाउला भन्ने लगानीकर्ताको चासो रहेको छ। कम्पनीले आईपीओ निस्कासन गरेको आइपियो ६ लाख ४४ हजार लगानीकर्ताले हात पारेका थिए।

कम्पनीको इपिएस ३५.३१ रहेको छ भने प्रति शेयर नेटवर्थ रु १३५.११ रहेको छ। नेप्सेले दोस्रो बजारमा कारोबारको लागि ओपनिङ्ग रेञ्ज रु १३५.११ देखि रु ४०५.३३ तोक्ने सम्भावना रहेको छ।

कम्पनीले असोज ६ गतेदेखि १० गते सम्म सर्वसाधारणको लागि निष्काशन गरेको शेयर आइतबार बाँडफाँट गरेको छ । यस आइपीओमा २४ लाख ६२ हजार भन्दा बढी आवेदकबाट ३ करोड ४३ लाख भन्दा बढी कित्ताका लागि आवेदन परेको थियो।

उक्त कम्पनीले भदौ ६ गतेदेखि रू. ७० करोड बराबरको ७० लाख कित्ता आईपीओ निष्कासन गरेको थियो । कुल कित्तामध्ये ३ प्रतिशत अर्थात् २ लाख १० हजार कित्ता शेयर कर्मचारीको लागि र ५ प्रतिशत अर्थात् ३ लाख ५० हजार कित्ता शेयर सामुहिक लगानी कोषको लागि छुट्याइएको छ ।

इक्रा नेपालले कम्पनीलाई इक्राएनपि आईआर डबल बी प्लस रेटिङ्ग प्रदान गरेको छ। यसले कम्पनीले वित्तीय दायित्व पुरा गर्न सक्ने सम्बन्धमा मध्यम जोखिम रहेको जनाउँदछ।