यो कम्पनीले आइपीओ निकालेर भाग्यो, नेपालीको लाखौँ डुब्यो - सिधा मिडिया





यो कम्पनीले आइपीओ निकालेर भाग्यो, नेपालीको लाखौँ डुब्यो

    १५ कार्तिक २०७८, सोमबार २०:०९  मा प्रकाशित
18424 जनाले पढ़िसके


काठमाडौँ । आजकल कुनै कम्पनीको आइपीओ खुल्यो भनेपछि लगानीकर्ताहरु आँखा चिम्लेर लगानी गर्छन् । कम्पनी कस्तो हो भन्ने बुझ्दै नबुझी पक्कै घाटा हुन्न भन्दै लगानीकर्ताहरु आइपीओ भनेपछि लगानी गर्न तम्सिहाल्छन् ।

पछिल्लो समय केहि कमजोर आंकलन गरिएका र विवादित कम्पनीमा आइपीओ भर्नेको संख्याले पनि यो तथ्यलाई पुष्टी गर्दछ । तर इतिहास हेर्ने हो भने चीनबाट नेपाल भित्रिएको एक कम्पनी नेपालमा आइपीओ खुलाएर भागेको समेत छ ।

२०४९ सालमा चीनबाट नेपालमा औसधि कम्पनी कम्पनीमा लगानी गर्न आएको कम्पनी अन्तत नेपालीहरुलाई डुबाएर भागेको हो। यो घटनाको नालेबेली पत्ता लगाउन २०४६ सालमा फर्किनुपर्छ ।

२०४६ सालको राजनीतिक परिवर्तनपछी नेपालमा विदेशी लगानी भित्र्याउने कानुन पारित भएपछी चीनको सेफ रिच इन्ड्रष्टी लिमिटेडले १९ करोड ५४ लाख रुपैयाँको लगानीमा नेपालमा औषधी उद्योग खोल्न लाइसेन्सको आवेदन दिएको थियो र नेपालमा ८ करोड २२ लाख रुपैयाँ विदेशी लगानी ल्याउने प्रतिबद्धता गरेको उसले लाइसेन्स पनि पायो ।

उद्योग विभागमा सिरियल नम्बर १७९ मा उद्योगका रुपमा दर्ता भएको सो कम्पनीलाई विभागले कम्पनीलाई २०४९ साल पुस ९ गते उद्योग स्थापनाको लागि अनुमति दिएको थियो ।

८० जनालाई जागिर दिने र भक्तपुरमा औषधी प्लान्ट लगाई वार्षिक मेडिसन क्याप्सुल ५ करोड ७० लाख उत्पादन गर्ने योजना बनाएर नेपालमा दर्ता भएको सो कम्पनीले २०५० साल पुस ४ गते सर्वसाधारणको लागि १ करोड ८० लाख रुपैयाँको आइपीओ जारी गर्यो ।

माग भन्दा १६५ प्रतिशत आवेदन परेको सो कम्पनीको निष्कासन तथा बिक्री प्रवन्धक नागरिक लगानी कोष थियो । सो कम्पनीको आइपीओ बाँडफांड समेत भएको थियो । त्यो बेला पनि बिदेशी कम्पनी भन्ने बित्तिकै नेपालीहरुले खुलेर लगानी गरेका थिए ।

तर नेप्सेमा सूचीकरण नगरी सो कम्पनी भाग्यो र नेपालमा आइपीओ भर्ने नागरिकहरु सबै डुबे । अहिले सो कम्पनीको कतै पनि अस्तित्व छैन । अहिले सो कम्पनीका बारेमा नेप्से र धितोपत्र बोर्ड पनि बेखबर छ । चीनमा समेत सो कम्पनीको कुनै अस्तित्व नरहेको पाइएको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस