रामकुमारी झाँक्रीको पिर्के सलामी, यसमा तपाईको धारणा के छ ?

    १९ पुष २०७८, सोमबार १९:५९  मा प्रकाशित
543 जनाले पढ़िसके








काठमाडौ । नेकपा एमालेको सरकार हुँदा जिल्ला गएका मन्त्री र जनप्रतिनिधिलाई दिइएको सलामीको निकै आलोचना हुने गरेको थियो । सलामी लिएका तस्बिर सामाजिक सञ्जालमा राखेर निकै टिप्पणी हुन्थे । त्यसरी टिप्पणी गर्नेमा एक जना नेकपा एकीकृत समाजवादी पार्टीकी नेता रामकुमारी झाँक्री पनि थिइन् । तर समाजवादीकी सचिव एवं शहरी विकास मन्त्री रामकुमार झाँक्री आफै अहिले आलोचित बनेकी छन् ।

उनले सलामी लिएको तस्वीर सामाजिक सन्जालमा भाइरल हुनुका साथै उनको चर्को आलोचनासमेत भएको छ । गुल्मीको मदाने गाउँपालिकास्थित इलाका प्रहरी कार्यालय पुर्कोट दहमा पुगेकी उनलाई प्रहरीले ‘पिर्के सलामी’ दिएको हो । सो तस्वीर आइतबार सार्वजनिक भएको थियो ।



गुल्मी मन्त्री झाक्रीको गृहजिल्ला पनि हो । पिर्के सलामीको विगतमा पनि चर्को आलोचना हुने गरेकोमा गणतन्त्रवादी नेतृत्वको पहिचान बनाएकी झाँक्रीले सलामी लिएर आलोचना खेपेकी हुन् । विगतमा यस्तो पिर्के सलासी पर्थाको स्वयम उनैले आलोचना गर्दै आएकी थिइन् ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस