तरलता सहज हुँदै, बैंकहरुले फटाफट कर्जा दिन थाले ! - सिधा मिडिया



तरलता सहज हुँदै, बैंकहरुले फटाफट कर्जा दिन थाले !

    २३ पुष २०७८, शुक्रबार २०:४९  मा प्रकाशित
170 जनाले पढ़िसके




पछिल्लो समय बैंकिंग प्रणालीमा तरलता सहज हुन थाले संगै बैंकहरुले नयाँ कर्जा प्रवाह गर्न सुरु गरेका छन। यस अघि धेरै बैंक तथा वित्तिय संस्थाहरुले थप ऋण प्रवाह गर्न सक्ने अवस्था नभएको भन्दै कर्जाको माग गर्दै आउने ग्राहकहरु लाई फिर्ता पठाइदिएका थिए। तर अहिले वित्तिय प्रणालीमा तरलता थपिँदै गर्दा बैंक वित्तिय संस्थाहरुले नयाँ कर्जा प्रवाह गर्न सुरु गरिसकेका छन।

‘यस अघि सिडी रेसियो ९० भन्दा माथि गैसकेपछि हामीले थप कर्जा प्रवाह रोकेका थियौं, अहिले सिडी रेसियो ९० भन्दा तल आइसकेको अवस्थामा नयाँ कर्जा दिन सुरु गरिसकेका छौं। ‘ एक कमर्सियल बैंकका उच्च अधिकारीले अर्थसंसारलाई बताए।

यसै सन्दर्भमा बैंकिंग प्रणालीमा तरलता सहज हुँदै गएको हो र भन्ने हाम्रो प्रश्नको जवाफ दिंदै नेपाल राष्ट्र बैंकका प्रवक्ता डाक्टर गुणाकर भट्टले स्थानिय तहमा जाने पैसाको ८०% सम्म निक्षेपको रुपमा गणना गर्न पाउने सुविधा दिएसंगै त्यसले तरलता केहि बढेको बताए। राष्ट्र बैंकले रि-फ़ाइनान्सिङ्गको लागि भनेर पुष महिना भित्र पठाउने भनिएको ९२ अर्ब मध्ये हिजोसम्ममा करिब ६० अर्ब बैंकिंग सिस्टममा पठाइसकेको र त्यसले पनि तरलता संकुचनलाई कम गर्न ठूलो भूमिका खेलिरहेको उनले जानकारी दिएका छन।

त्यस्तै राष्ट्र बैंकले आफ्नो आधिकारिक वेबसाइट मार्फत प्रकाशित गरेको डाटा अनुसार बैंकिंग सिस्टममा एकै दिनमा ३० अर्ब डिपोजिट थपिँदा बैंक तथा वित्तिय संस्थाहरुको औसत कर्जा निक्षेप अनुपात (CD Ratio) ९०.४५ बाट घटेर ८९.८२ मा झरेको छ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस