फेरि बढ्यो पेट्रोलियम पदार्थको मूल्य - सिधा मिडिया





फेरि बढ्यो पेट्रोलियम पदार्थको मूल्य

    १७ फाल्गुन २०७८, मंगलवार १९:३२  मा प्रकाशित
274 जनाले पढ़िसके


काठमाडौं :

नेपाल आयल निगमले पुनः पेट्रोलियम पदार्थको मूल्य बढेको छ।निगमलाई भारतबाट आएको नयाँ मूल्यसूचीमा इन्धनको मूल्य बढेर आएको छ। यसअनुसार आगामी १५ दिनमा निगमलाई करिब ३ अर्ब ९ करोड घाटा हुने निगमको भनाइ छ।

नेपाल आयल निगमले दिएको जानकारीअनुसार भारतबाट आज प्राप्त नयाँ मूल्य सूचीअनुसार सबै पेट्रोलियम पदार्थको मूल्य वृद्धि भएको छ ।निगमले पछिल्लोपटक यही फागुन ७ मा मूल्य समायोजन गरेको थियो।

त्यसपछि अहिले रुस–युक्रेन संकटले अन्तर्राष्ट्रिय बजारमा कच्चा तेलको मूल्य वृद्धि भई ९५ देखि १०५ अमेरिकी डलर प्रतिब्यारेल पुगिसकेको छ।

भारतबाट प्राप्त नयाँ मूल्य सूचीअनुसार पेट्रोल प्रतिलिटर ३.८९ रुपैयाँ, डिजेल ३.०८ रुपैयाँ र मट्टितेल प्रतिलिटर १०.३० रुपैयाँ बढेर आएको छ । यस्तै, हवाई इन्धन प्रतिलिटर ३.३२ रुपैयाँ र एलपीजी ग्याँस प्रतिलिसिन्डर १०० रुपैयाँ बढेको हो ।

यसले निगमलाई १५ दिनमै उक्त घाटा हुने देखिएको निगमले जनाएको छ। चालू आवको हालसम्म निगमले करिब २८ अर्ब नोक्सानी व्यहोरिसकेको जनाएको छ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस