चापाकोट मेयरमा एमालेका राजु कोइराला

प्रदिप पंगेनी / स्याङ्जा:-
स्याङ्जाको चापाकोटमा स्थानीय चुनावको उम्मेदवारहरु छनोट अन्तिम चरण भए संगै राजनीतिक दलहरुले आधिकारिक रुपमा उम्मेदवारको नाम सिफारिस गरेका छन ।

स्थानीय तहको घोषित निर्वाचन मिति नजिकिदै गर्दा स्याङ्जाको चापाकोट नगरपालिकामा
यसपटक करिब २१ हजार ५४६ मतदातामध्ये १० हजार २४० पुरुष र ११ हजार ३०६ महिला रहेका छन् ।
एमालेबाट चापाकोट नगरपालिकाको मेयरमा युवाहरुले निकै खोजेको र चाहेको नेता राजु कोइराला चयन भएका छन । बहुसंख्यक नेपाली राजनीतिज्ञका लागि जनता भोट मात्रै हुन् भन्नुमा अत्युक्ति नहोला । भोटका लागि ठूला सपना देखेर आम जनतालाई खुसी पार्नु र चुनावपछि पनि याद नगर्नु राजनीतिक भ्रष्टाचार हो भन्ने मान्यता  राख्छन् राजु कोइराला  ।

राजु कोइरालाको राजनैतिक  पृष्ठभूमि र लगनशीलतालाई सरसरी हेर्दा उनको समर्पण र त्याग लामो रहेको र भविष्यमा चापाकोटलाई अगाडि बढाउन समेत प्रस्ट  दृष्टिकोण समेत  भएको अनुभवी र जनतासंग भिजेको व्यक्ति  हुन् I

कुनै पनि देशको मेरुदण्ड देशमा रहेको राजीनितिक संरचना, इच्छा शक्ति र निर्वाचित पदाधिकरीमा भर पर्छ भन्नुमा कुनै अत्युक्ति नहोला ।  राजनीति व्यवसाय हुनु हुँदैन भन्ने मान्यता  राख्छन कोइराला I
राजु कोइराला जसको नेकपा एमालेमा  र खास गरि चापाकोटमा राम्रो र ऐतिहासिक योगदान छ । उनी  एक प्रखर बुद्धिजीवी हुन्  । समाज बिकासमा जुझारु रूपमा अनवरत लागेका योद्धा हुन्  । उनले एमालेको एक योद्धा बनेर सधै समाजको लागि जस्ताेसुकै अप्ठेराे अवस्थामा पनि काँध थापेर कार्य गरेको देखिन्छ  ।

एमालेको राम्रो पकड रहेको चापाकोट नगरपालिकामा यतिबेला सबै राजु कोइरालाको पक्षमा एक ढिक्का बनेर खडा भएका छन ।