मोरङमा मोबाइल चार्ज गर्दै चलाउँदा मृत्यु : क्रिपया सेयर गरेर सचेत गराउँ -यो गर्नै नहुने कार्य - सिधा मिडिया





मोरङमा मोबाइल चार्ज गर्दै चलाउँदा मृत्यु : क्रिपया सेयर गरेर सचेत गराउँ -यो गर्नै नहुने कार्य

    १८ असार २०७९, शनिबार २१:११  मा प्रकाशित
409 जनाले पढ़िसके








काठमाडौ । मोरङको लेटाङ नगरपालिका–३ स्थित त्रिशूली चोकमा चार्ज गरिरहेको मोबाइल चलाउँदा करेन्ट लागेर एक बालकको आज मृत्यु भएको छ ।

एक नं प्रदेश प्रहरी कार्यालय विराटनगरले दिएको जानकारीअनुसार पदमबहादुर राईका १५ वर्षीय छोरा सौजन राईको आज बिहानपख ओछ्यानमा चार्जमा राखेको मोबाइलमा गेम खेल्ने क्रममा अचानक करेन्ट लागेर मृत्यु भएको हो । यस सम्बन्धमा आवश्यक अनुसन्धान भइरहेको प्रहरीले जनाएको छ । विज्ञहरुका अनुसार मोबाई चार्ज गर्दै चलाउँनु भनेको सबैभन्दा घातक छ ।

यस्तो गलत कार्यबाट जतिबेलापनि करेन्ट लाग्नसक्ने वा पड्कीएर झनै अरुलाई समेत जीवन लिनसक्ने भएकाले यस्तो गलत कार्य नगर्न अपिल गरिएको छ । यो सन्देश सक्दो रुपमा सेयर गरेर सचेत गराउँ । बारम्बार भनौँ की चार्ज गरिरहेका बेला मोबाईल कतिबेलापनि चलाउँनु हुन्न ।

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

योपनि -भ्रमण वर्षलाई राष्ट्रिय महोत्सवका रुपमा मनाऔँ : मन्त्री भट्टराई
संस्कृति, पर्यटन तथा नागरिक उड्डयनमन्त्री योगेशकुमार भट्टराईले नेपाल भ्रमण वर्ष २०२० अभियानलाई राष्ट्रिय महोत्सवका रुपमा मनाउन सरोकारवाला निकायलाई अनुरोध गर्नुभएको छ ।

भ्रमण वर्षको पूर्वतयारीका सन्दर्भमा आज शैक्षिक क्षेत्रका संस्थाहरुसँगको छलफलमा उहाँले भ्रमण वर्ष सबैको साझा अभियान भएकाले यसलाई देशकै महोत्सवका रुपमा मनाउन सहकार्य र समन्वयात्मक ढङ्गले अघि बढाउन जरुरी भएको उल्लेख गर्नुभयो । उहाँले सन् २०२० लाई आधार मानेर नेपालको पर्यटनको एक दशकका रुपमा लिएर पर्यटन प्रवद्र्धनका साथै पर्यटकीय पूर्वाधारको कामलाई विशेष प्राथमिकताका साथअघि बढाइने उल्लेख गर्नुभयो ।

मन्त्री भट्टराईले शैक्षिक क्षेत्रमा आबद्ध संस्थाको अन्तरराष्ट्रिय सम्पर्क सञ्जाल व्यापक रहेको हुनाले भ्रमण वर्षका गतिविधि र सम्बन्धित सामग्रीको प्रभावकारी प्रयोग गर्न आग्रह गर्नुभयो । उहाँले विद्यालय तथा शैक्षिक संस्थामा भ्रमण वर्षको लोगो तथा ब्यानरले सजाएर वातावरण सिर्जना गर्न पनि आह्वान गर्नुभयो ।

पर्यटन मन्त्रालयका सचिव केदारबहादुर अधिकारीले राष्ट्रिय र अन्तरराष्ट्रिय रुपमा प्रभावकारी बनाउन शैक्षिक क्षेत्रको महत्वपूर्ण भूमिका हुने भन्दै भ्रमण वर्षकै दौरानमा सफाइ सचेतना अभियान पनि सञ्चालन गर्न शैक्षिक संस्थाहरुलाई आग्रह गर्नुभयो । मन्त्रालय, भ्रमण वर्ष सचिवालय र नेपाल पर्यटन बोर्डले संयुक्त रुपमा आयोजना गरेको उक्त कार्यक्रममा उच्च शिक्षालय तथा माध्यमिक विद्यालय सङ्घ (हिसान), निजी तथा आवासिय विद्यालय अर्गनाइजेशन नेपाल (प्याब्सन), नेपाल शिक्षक महासङ्घ, शैक्षिक परामर्श सङ्घलगायतका प्रमुख एवं प्रतिनिधिको उपस्थिति थियो ।

उपस्थित संस्थाका प्रतिनिधिले भ्रमण वर्षलाई राज्यले विशेष पर्वका रुपमा मनाइरहँदा उक्त महत्वपूर्ण कार्यक्रमा सहयोगात्मक भूमिका निर्वाह गर्न पाउँदा शैक्षिक संस्थाले ठूलो जिम्मेवारी महसुस गरेको भन्दै भ्रमण वर्षलाई सफल बनाउन हर तबरले सहयोग गर्ने प्रतिबद्धता व्यक्त गरेका थिए ।

शिक्षक महासङ्घका अध्यक्ष बाबुराम थापाले भ्रमण वर्षमा पाहुनाको आतिथ्य सत्कारदेखि सरसफाइलगायत काममा पनि शैक्षिक संस्थाको सहयोग रहने भन्दै हवाई तथा सडक यातायातलाई व्यस्थित बनाइनुपर्नेमा जोड दिनुभयो । प्याब्सनका उपाध्यक्ष गोपाल आचार्यले भ्रमण वर्ष अभियानलाई सफल बनाउन शैक्षिक संस्थालाई प्रभावकारी रुपमा परिचालन गरिने बताउनुभयो ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस