राष्ट्रिय वाणिज्य बैंकको नाफा ५ अर्ब नाघ्यो

    २० श्रावण २०७९, शुक्रबार १५:३५  मा प्रकाशित
136 जनाले पढ़िसके









खुद ब्याज आम्दानी वृद्धिसँगै सम्भावित कर्जा नोक्सानी वापतको प्रोभिजन रकमबाट राइटब्याक गर्दा राष्ट्रिय वाणिज्य बैंकको नाफा बढेको छ ।

काठमाडौं । खुद ब्याज आम्दानी वृद्धिसँगै सम्भावित कर्जा नोक्सानी वापतको प्रोभिजन रकमबाट राइटब्याक गर्दा राष्ट्रिय वाणिज्य बैंकको नाफा बढेको छ । बैंकले गत आर्थिक वर्षमा ५ अर्ब भन्दा बढी मुनाफा आर्जन गरेको छ ।

शुक्रबार बैंकले आर्थिक वर्ष २०७८/७९ मा पाँच अर्ब २५ करोड ३९ लाख रुपैयाँ मुनाफा आर्जन गरेको अपरिस्कृत वित्तीय विवरण सार्वजनिक गरेको छ । आर्थिक वर्ष २०७७/७८ मा तीन अर्ब ७९ करोड ५५ लाख रुपैयाँ खुद मुनाफा आर्जन गरेको बैंकले गत आवमा ३७.३८ प्रतिशतले नाफा बढाएको हो ।

गत आवमा खुद ब्याज आम्दानी १७.२९ प्रतिशतले वृद्धि भएर ९ अर्ब ६६ करोड ९३ लाख पुगेको बैंकले सम्भावित कर्जा जोखिम वापतको प्रोभिजन ६८ करोड १८ लाख राइटब्याक गरेको छ ।

बैंकको कर्जा लगानी १९.२२ प्रतिशतले वृद्धि भएर २ खर्ब ११ अर्ब ४ करोड ९६ लाख पुगेको छ । त्यस्तै निक्षेप ०.६९ प्रतिशतले घटेर २ खर्ब ५९ अर्ब ३८ करोड ३३ लाखमा झरेको छ । बैंकले कर्जा र निक्षेपबीचको ब्याजदर अन्तर (स्प्रेड दर) घटाएको छ । तरपनि कर्जा विस्तारले गर्दा बैंकको खुद ब्याज आम्दानी वृद्धि देखिएको हो । अघिल्लो आवमा ४.३७ प्रतिशत रहेको बैंकको स्प्रेड रेट गत आवमा घटेर ४.२९ प्रतिशत पुगेको छ ।

आम्दानी वृद्धिसँगै बैंकको खुद सञ्चलान आम्दानी २१.५८ प्रतिशतले बढेर ११ अर्ब ९६ करोड ४८ लाख पुगेको छ । यता बैंकको कर्मचारी खर्च भने घटेको छ । बैंकको कर्मचारी खर्च समान्य बढेर ३ अर्ब २३ करोड ७३ लाखबाट ३ अर्ब ३६ करोड १७ लाख पुगेको छ । खुद सञ्चालन आम्दानीसँगै कर्मचारी खर्च सामान्य बढेपनि बैंकको सञ्चालन मुनाफा ३७.६७ प्रतिशतले वृद्धि भएर सात अर्ब १ करोड ८५ लाख रुपैयाँ पुगेको छ ।

बैंकले गत आवमा चुक्ता पूँजी ४६.६९ प्रतिशतले वृद्धि गरेर १० अर्ब १८ करोड ४९ लाखबाट १४ अर्ब ९४ करोड ४ लाख पुयाएको छ । बैंकको सञ्चित कोषमा ३ अर्ब ३ करोड २४ लाख र जगेडा कोषमा १५ अर्ब ५१ करोड ६ लाख छ ।

नाफा बढे पनि पूँजी वृद्धिले बैंकको प्रतिसेयर आम्दानी घटेको छ । प्रतिसेयर आम्दानी ३७ रुपैयाँ २७ पैसाबाट बढेर ३४ रुपैयाँ ९० पैसामा झरेको छ । यता बैंकको कोषको लागत बढेसँगै बेसरेट ५.४१ प्रतिशतबाट ७.६३ प्रतिशत पुगेको छ । यस्तै निष्किय कर्जा ३.०७ प्रतिशतबाट २ प्रतिशतमा झरेको छ । पूँजी पर्याप्तता अनुपात १४.३१ प्रतिशतबाट १३.९७ प्रतिशतमा झरेको छ । यस्तै बैंकको कर्जा– निक्षेप अनुपात ८५.८९ प्रतिशत छ ।

यस अवधिमा ३ अर्ब ३ करोड २ लाख रुपैयाँ वितरणयोग्य नाफा आर्जन गरेको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस