एम्बुलेन्सको ठक्करबाट एक महिलाको मृत्यु

    २६ श्रावण २०७९, बिहीबार १९:४८  मा प्रकाशित
264 जनाले पढ़िसके









मकवानपुरको मनहरी गाउँपालिका–९ खरङगामा आज बिहान एम्बुलेन्सको ठक्करबाट एक महिलाको मृत्यु भएको छ । मृत्यु हुनेमा पैदलयात्री संखुवासभा घर भएकी ५२ वर्षीया नमुना शेर्पा रहेकी छिन् । उनको घटनास्थलमै मृत्यु भएको प्रहरीले जनाएको छ ।

हेटौडाबाट मनहरीतर्फ जाँदै गरेको ना २ च ४१६१ नम्बरको एम्बुलेन्सले आज बिहान १० बजे पैदल हिँडिरहेकी उनलाई ठक्कर दिएको थियो । एम्बुलेन्स चालक फरार भएकोले खोजी भइरहेको इलाका प्रहरी कार्यालय मनहरी मकवानपुरले जनाएको छ ।

फाईल तस्बीर

यो पनी हेर्नुस बेंसीसहर : लमजुङमा निर्माण गरिएको दोर्दीखोला जलविद्युत् आयोजनाले विद्युत् उत्पादन गर्न सकेको छैन। २७ मेगावट क्षमताको आयोजनाको निर्माण कार्य सकिएपनि प्रसारण लाइन नबनेपछि उत्पादन सुरु हुन नसकेको हो।

हिमालयन पावर पाटनर लिमिटेडले आयोजनाको सम्पूर्ण संरचना निर्माण गरेको छ। साथै आयोजनाको परीक्षणसमेत भइसकेको छ। आयोजना निर्माण सम्पन्न भएपनि प्रसारण लाइन निर्माण नहुँदा विद्युत् उत्पादन गर्न नसकिएको आयोजनाका प्रवर्द्धक गुरुप्रसाद ढकालले बताए। प्रसारण लाइन निर्माण सम्पन्न भएलगत्तै आयोजनाबाट विद्युत उत्पादन गरिने प्रवर्द्धक ढकालले बताए।

२०७४ असारबाट व्यवसायिक उत्पादन सुरु गर्ने लक्ष्य लिएको आयोजना निर्धारित समयभन्दा तीन वर्ष ढिलो निर्माण सम्पन्न भएको हो। भारतीय नाकाबन्दी, दोर्दी खोलामा आएको बाढी र कोरोना भाइरसका कारण गरिएको लकडाउनको प्रभावका कारण आयोजना निर्माणको ढिलो सम्पन्न भएको हो।

आयोजनाले २०६८ असार २३ मा अनुमति पाएको हो। नेपाल विद्युत् प्राधिकरणसँग सुख्खायाममा ८ रुपैयाँ ४० पैसा र वर्षायाममा ४ रुपैयाँ ८० पैसा दररेटमा विद्युत् खरिद सम्झौता (पीपीए) भएको छ।

आयोजनाको दोर्दी गाउँपालिका-६, ढोडेनी र ८ बन्सारबीचको दोर्दी खोलामा बाँध निर्माण गरिएको छ। बेँसीसहर नगरपालिका-११, चितीको रामचोकबेँसीनजिकै मस्र्याङ्दी नदी-किनारमा विद्युतगृह निर्माणाधीन छ। उत्पादित विद्युत् उदीपुरस्थित निर्माणाधीन १ सय ३२ केभीको सबस्टेसनमा जोडिने कम्पनीले जनाएको छ।

आयोजनाबाट १४७ दशमलव ६९ गिगावाट प्रतिघन्टा विद्युत् उत्पादन हुनेछ। प्राधिकरणलाई भने १४२ दशमलव ३१ गिगावाट प्रतिघन्टा विद्युत् बिक्री गर्ने प्रक्षेपण गरेको छ। आयोजनाले प्राधिकरणसँग चलनचल्तीको दरअनुसार हिउँद (सुक्खायाम) मा प्रतियुनिट ८ रुपैयाँ ४० पैसा र वर्षामा ४ रुपैयाँ ८० पैसामा पीपीए गरेको थियो। २०६९ असार १ गते पीपीए गरेर दुई वर्षपछि निर्माण सुरु भएको थियो।

गैरआवासीय नेपालीद्वारा स्थापित एनआरएन इन्भेस्टमेन्ट लिमिटेडको ३५.७ प्रतिशत, आइएमई गुप्रको ३४ दशमलव ३० प्रतिशत, स्थानीय र सर्वसाधारणको ३० प्रतिशत लगानी छ। ३० प्रतिशतमा १० प्रतिशत स्थानीय र २० प्रतिशत सर्वसाधारणको सेयर छ।

आयोजनाका लागि प्राइम कमर्सियल बैंकको अगुवाइमा ७ वटा बैंक र एउटा जलविद्युत् विकास तथा लगानी कम्पनीको बैंक तथा वित्तीय संस्थाको ७५ प्रतिशत ऋण र प्रवद्र्धकको ३५ प्रतिशत इक्विटी रहनेछ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस